რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდი ზუგდიდის მუნიციპალიტეტის სოფელ ორულუში, სოფელ ჯიხაშკარსა და სოფელ ახალ აბასთუმანში 50-50 ბავშვზე გათვლილი საბავშვო ბაღების პროექტირებასა და მშენებლობას განახორციელებს.

პროექტების ფარგლებში გათვალისწინებულია საბავშვო ბაღების დეტალური საპროექტო დოკუმენტაციის კორექტირება, ადგილობრივ პირობებზე მორგება და სამშენებლო სამუშაოების შესრულება.

ჯამში, ახალი სკოლამდელი აღზრდის დაწესებულებები 150 ბავშვს მოემსახურება.

პროექტების მიზანია ზუგდიდის მუნიციპალიტეტის სოფლებში სკოლამდელი აღზრდის ინფრასტრუქტურის განვითარება, სკოლამდელ განათლებაზე ხელმისაწვდომობის გაზრდა და ბავშვებისთვის თანამედროვე სტანდარტების შესაბამისი, უსაფრთხო და კომფორტული გარემოს შექმნა.

რეგიონული განვითარებისა და ინფრასტრუქტურის მინისტრი რევაზ სოხაძე, მინისტრის მოადგილე მზია გიორგობიანთან, განათლების, მეცნიერებისა და ახალგაზრდობის მინისტრის მოადგილე თამარ მახარაშვილთან, მუნიციპალური განვითარების ფონდის აღმასრულებელ დირექტორ გიორგი შონიასთან და ადგილობრივი თვითმმართველობის წარმომადგენლებთან ერთად, თბილისის ოთხ საჯარო სკოლაში მიმდინარე და დაგეგმილ ინფრასტრუქტურულ პროექტებს ადგილზე გაეცნო.

მინისტრმა დაათვალიერა თბილისის №11 საჯარო სკოლის სამშენებლო სამუშაოები. მუნიციპალური განვითარების ფონდი 650 მოსწავლეზე გათვლილ ახალ სკოლას აშენებს. პროექტის ღირებულება 14.3 მილიონ ლარზე მეტია და საქართველოს მთავრობის დაფინანსებით ხორციელდება.

რევაზ სოხაძე ასევე გაეცნო თბილისის №128 საჯარო სკოლის დამატებითი სასწავლო კორპუსის მშენებლობას. სკოლას 300 მოსწავლეზე გათვლილი ახალი კორპუსი დაემატება, რაც სასწავლო ინფრასტრუქტურის გაფართოებასა და მოსწავლეებისთვის შესაბამისი პირობების შექმნას უზრუნველყოფს. პროექტის ღირებულება 9.1 მილიონ ლარზე მეტია და საქართველოს მთავრობის დაფინანსებით ხორციელდება.

მინისტრი და შესაბამისი უწყებების წარმომადგენლები ასევე ადგილზე გაეცნენ თბილისის №113 და №116 საჯარო სკოლებში არსებულ მდგომარეობას. ორივე სკოლის ნაცვლად ახალი შენობების მშენებლობა იგეგმება.

№113 საჯარო სკოლის ძველი შენობის დემონტაჟი უკვე დასრულებულია. მომდევნო კვირას გამოცხადდება ბაზრის კვლევა 200 მოსწავლეზე გათვლილი ახალი სკოლის პროექტირება-მშენებლობის ტენდერის მოსამზადებლად. აღნიშნული სკოლის პროექტი ინფრასტრუქტურის სამინისტრომ საგანმანათლებლო და სამეცნიერო ინფრასტრუქტურის განვითარების სააგენტოს (ESIDA) გაუქმების შემდეგ გადაიბარა.

№116 საჯარო სკოლასთან დაკავშირებით მიღებულია გადაწყვეტილება, რომ არსებული შენობის ნაცვლად აშენდება ახალი, გაზრდილი მოცულობის სკოლა. ამ მიზნით დაიწყება საპროექტო დავალების მომზადება, რის შემდეგაც გამოცხადდება ბაზრის კვლევა.

რეგიონული განვითარებისა და ინფრასტრუქტურის სამინისტრო საჯარო სკოლების მშენებლობისა და რეაბილიტაციის პროექტებს განათლების, მეცნიერებისა და ახალგაზრდობის სამინისტროს მიერ განსაზღვრული პრიორიტეტული სკოლების ნუსხის შესაბამისად ახორციელებს. განათლების სამინისტრო განსაზღვრავს სკოლების ინფრასტრუქტურულ საჭიროებებსა და პრიორიტეტებს, ხოლო ინფრასტრუქტურის სამინისტრო, მუნიციპალური განვითარების ფონდის მეშვეობით, უზრუნველყოფს შესაბამისი პროექტების განხორციელებას.

რეგიონული განვითარებისა და ინფრასტრუქტურის მინისტრი რევაზ სოხაძე, მინისტრის მოადგილე მზია გიორგობიანთან, განათლების, მეცნიერებისა და ახალგაზრდობის მინისტრის მოადგილე თამარ მახარაშვილთან და მუნიციპალური განვითარების ფონდის აღმასრულებელ დირექტორ გიორგი შონიასთან ერთად, თბილისის №128 საჯარო სკოლის დამატებითი კორპუსის მშენებლობას გაეცნო.

პროექტის ფარგლებში სკოლას 300 მოსწავლეზე გათვლილი ახალი სასწავლო კორპუსი დაემატება, რომელიც თანამედროვე საგანმანათლებლო სტანდარტების შესაბამისად მოეწყობა.

მშენებლობის ღირებულება 9.1 მილიონ ლარზე მეტია. პროექტი საქართველოს მთავრობის დაფინანსებით ხორციელდება და მიზნად ისახავს სკოლის ინფრასტრუქტურის გაფართოებასა და სასწავლო პირობების გაუმჯობესებას.

ინფრასტრუქტურის სამინისტრო საჯარო სკოლების მშენებლობისა და რეაბილიტაციის პროექტებს განათლების, მეცნიერებისა და ახალგაზრდობის სამინისტროს მიერ განსაზღვრული პრიორიტეტული სკოლების ნუსხის შესაბამისად ახორციელებს. განათლების სამინისტრო განსაზღვრავს სკოლების ინფრასტრუქტურულ საჭიროებებსა და პრიორიტეტებს, ხოლო ინფრასტრუქტურის სამინისტრო, მუნიციპალური განვითარების ფონდის მეშვეობით, უზრუნველყოფს შესაბამისი სამშენებლო და სარეაბილიტაციო პროექტების განხორციელებას.

რეგიონული განვითარებისა და ინფრასტრუქტურის მინისტრი რევაზ სოხაძე, მინისტრის მოადგილე მზია გიორგობიანთან და მუნიციპალური განვითარების ფონდის აღმასრულებელ დირექტორ გიორგი შონიასთან ერთად, თბილისის №11 საჯარო სკოლის სამშენებლო სამუშაოებს ადგილზე გაეცნო.

მუნიციპალური განვითარების ფონდი 650 მოსწავლეზე გათვლილ ახალ სკოლას აშენებს, რომელიც თანამედროვე საგანმანათლებლო სტანდარტების შესაბამისად მოეწყობა.

პროექტის ღირებულება 14.3 მილიონ ლარზე მეტია და საქართველოს მთავრობის დაფინანსებით ხორციელდება.

ინფრასტრუქტურის სამინისტრო საჯარო სკოლების მშენებლობისა და რეაბილიტაციის პროექტებს განათლების, მეცნიერებისა და ახალგაზრდობის სამინისტროს მიერ განსაზღვრული პრიორიტეტული სკოლების ნუსხის შესაბამისად ახორციელებს. განათლების სამინისტრო განსაზღვრავს სკოლების ინფრასტრუქტურულ საჭიროებებსა და პრიორიტეტებს, ხოლო ინფრასტრუქტურის სამინისტრო, მუნიციპალური განვითარების ფონდის მეშვეობით, უზრუნველყოფს შესაბამისი სამშენებლო და სარეაბილიტაციო პროექტების განხორციელებას.

რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდმა ხულოს მუნიციპალიტეტის სოფელ რიყეთის საჯარო სკოლის პროექტირება-რეაბილიტაციისთვის ტენდერი გამოაცხადა.

პროექტის ფარგლებში შესწავლილი იქნება სკოლის შენობის ტექნიკური მდგომარეობა და მომზადდება რეაბილიტაცია-რეკონსტრუქციის დეტალური პროექტი. სამუშაოები განხორციელდება შესაბამისი კვლევებისა და ექსპერტიზის დასკვნების საფუძველზე, მოქმედი სამშენებლო ნორმებისა და უსაფრთხოების სტანდარტების დაცვით.

პროექტი ითვალისწინებს სკოლის ინფრასტრუქტურის განახლებას, შენობის უსაფრთხოებისა და ფუნქციური მდგომარეობის გაუმჯობესებას. საჭიროების შემთხვევაში, განხორციელდება შენობის კონსტრუქციული ნაწილის გამაგრებისა და აღდგენის სამუშაოებიც.

სკოლის რეაბილიტაციის შედეგად მოსწავლეებისთვის შეიქმნება უსაფრთხო, კეთილმოწყობილი და თანამედროვე სტანდარტების შესაბამისი საგანმანათლებლო გარემო.

რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდი თბილისში, შალვა ამირანაშვილის სახელობის ხელოვნების მუზეუმის ისტორიული შენობისა და მეორე კორპუსის რესტავრაცია-ადაპტაციისთვის საჭირო საპროექტო-სახარჯთაღრიცხვო დოკუმენტაციის მომზადებაზე კონკურსს აცხადებს.

პროექტის მიზანია ეროვნული კატეგორიის კულტურული მემკვიდრეობის ძეგლის სტატუსის მქონე ისტორიული შენობის არქიტექტურული ღირებულების შენარჩუნება, მისი კონსტრუქციული გამაგრება და თანამედროვე სამუზეუმო სტანდარტებთან ადაპტაცია. ასევე, გათვალისწინებულია მეორე კორპუსის მუზეუმის ერთიან ფუნქციურ სივრცეში ინტეგრირება.

საკონკურსო დოკუმენტაციის შესაბამისად, დაგეგმილია შენობების არსებული მდგომარეობის შესწავლა, შესაბამისი კვლევების ჩატარება და რესტავრაცია-ადაპტაციის დეტალური პროექტის შემუშავება.

საპროექტო დოკუმენტაცია უნდა ითვალისწინებდეს ისტორიული შენობის კონსერვაცია-რესტავრაციას, სამუზეუმო სივრცეების ფუნქციურ განახლებას, თანამედროვე საინჟინრო სისტემების მოწყობას, უსაფრთხოების სტანდარტების დაცვასა და ყველა კატეგორიის ვიზიტორისთვის ხელმისაწვდომი გარემოს შექმნას.

პროექტირების პროცესში განსაკუთრებული ყურადღება დაეთმობა კულტურული მემკვიდრეობის დაცვის ეროვნული და საერთაშორისო სტანდარტების დაცვას.