სოფელ იანეულში და სოფელ მამათში ახალი საბავშვო ბაღები აშენდება

რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდი ჩოხატაურის მუნიციპალიტეტის სოფელ იანეულში და ლანჩხუთის მუნიციპალიტეტის სოფელ მამათში 25-25 ბავშვზე გათვლილი საბავშვო ბაღების მშენებლობას იწყებს.

ფონდის მიერ ტენდერში გამარჯვებულ კომპანიასთან გაფორმებული ხელშეკრულება დეტალური საპროექტო დოკუმენტაციის კორექტირებას და სამშენებლო სამუშაოების შესრულებას მოიცავს.

სოფელ იანეულის და სოფელ მამათის საბავშვო ბაღებში, დაგეგმილია თანამედროვე სტანდარტების შესაბამისი ინფრასტრუქტურის, მათ შორის სათამაშო, მოსასვენებელი ოთახების, სამზარეულოს და გარე სივრცის მოწყობა.

პროექტების დასრულების შედეგად, ბავშვებისთვის შეიქმნება უსაფრთხო და კომფორტული გარემო.