სოფელ ჭანდარსა და სოფელ ჩუმლაყში ახალი საბავშვო ბაღები აშენდება

რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდი გურჯაანის მუნიციპალიტეტის ორ სოფელში - ჭანდარსა და ჩუმლაყში საბავშვო ბაღების მშენებლობას იწყებს.
ფონდმა შესაბამისი ხელშეკრულება ტენდერში გამარჯვებულ კომპანიასთან გააფორმა.

დოკუმენტი მოიცავს 50-50 ბავშვზე გათვლილი ბაღების დეტალური საპროექტო დოკუმენტაციის კორექტირებას და სამშენებლო სამუშაოების შესრულებას.

პროექტის ფარგლებში, სოფლების - ჭანდარისა და ჩუმლაყის საბავშვო ბაღებში მოეწყობა სათამაშო, მოსასვენებელი, ადმინისტრაციული ოთახები და გარე სივრცე.

ახალი ბაღების აშენების შედეგად, გურჯაანის მუნიციპალიტეტში ბავშვებისთვის თანამედროვე სტანდარტების შესაბამისი, უსაფრთხო და კომფორტული გარემო შეიქმნება.