ინფრასტრუქტურის მინისტრი რევაზ სოხაძე და მუნიციპალური განვითარების ფონდის აღმასრულებელი დირექტორი ბექა ურუშაძე შენობა-ნაგებობების ესთეტიკური მახასიათებლების დადგენის წესისა და პირობების განსაზღვრის შესახებ მთავრობის დადგენილების პროექტის პრეზენტაციას დაესწრნენ.

ინფრასტრუქტურის სამინისტროს მუნიციპალური განვითარების ფონდმა თელავსა და სენაკში საერთაშორისო სტანდარტების შესაბამისი სპორტკომპლექსების პროექტირებისთვის კონკურსები გამოაცხადა.
თანამედროვე სპორტული კომპლექსები მსოფლიო ცურვის ფედერაციის სტანდარტების შესაბამისად უნდა აშენდეს და მოეწყოს დახურული აუზები ცურვის, სინქრონული ცურვისა და წყალბურთისთვის.

ინფრასტრუქტურის სამინისტროში არქიტექტურული კონცეფციების შეფასების კომისიამ ამბროლაურსა და ახალციხეში თანამედროვე, მრავალფუნქციური და კომფორტული საჯარო სივრცეების პარკების განვითარების წინადადებები განიხილა.

საქართველოს მთავრობამ ქუთაისში და რუსთავში თანამედროვე სტანდარტების შესაბამისი საუნივერსიტეტო ქალაქების აშენების გადაწყვეტილება მიიღო. საუნივერსიტეტო ქალაქების მშენებლობისათვის საჭირო ღონისძიებების განხორციელება, ინფრასტრუქტურის სამინისტროს სსიპ საქართველოს მუნიციპალური განვითარების ფონდს დაევალა.

მუნიციპალური განვითარების ფონდის აღმასრულებელი დირექტორი, ბექა ურუშაძე, ადგილობრივი ხელისუფლების წარმომადგენლებთან ერთად, თელავში, ქალაქებისა და კურორტების განვითარების პროგრამის ფარგლებში, მიმდინარე სამუშაოები დაათვალიერა.