პროგრამა „განახლებული რეგიონები“ უზრუნველყოფს მნიშვნელოვან სოციალურ-ეკონომიკური ეფექტს, ახალი შესაძლებლობებისა და დამატებითი შემოსავლების გაჩენას ადგილობრივი მოსახლეობისთვის
„ძალიან საინტერესო განხილვა გვქონდა და საინტერესო არეალები წარმოადგინეს მუნიციპალიტეტებმა. მაგალითად, ზუგდიდის შემთხვევაში ეს არის დადიანების სასახლემდე მისასვლელი ბულვარი, ხობში ეს არის ხობის წყალთან ჩასასვლელი ახალი პარკი და სარეკრეაციო სივრცე, ფოთში კი - ცენტრალური ქუჩა, რომლის სრული რეაბილიტაცია მოხდება. ასევე, პროგრამის ფარგლებში ახალი სარეკრეაციო პარკი გაკეთდება მესტიაში და ასე შემდეგ. ჩამონათვალი მეტყველებს პროგრამის მოცულობასა და დიდ მასშტაბზე, რაც უზრუნველყოფს მნიშვნელოვან სოციალურ-ეკონომიკური ეფექტს, ახალი შესაძლებლობებისა და დამატებითი შემოსავლების გაჩენას ადგილობრივი მოსახლეობისთვის. მნიშვნელოვანია, რომ კომისიის სხდომაზე დამტკიცდა ზუგდიდსა და ფოთში ურბანული განახლების სიღრმისეული პროექტების მომზადება, რაც ორ დიდ ქალაქში შექმნის შემდგომი განვითრების საფუძველს.“ - აღნიშნა ირაკლი ქარსელაძემ
