სიახლეები

10 ნოემბერი 2014

გიორგი ამაშუკელმა მსოფლიო ბანკის ვიცე პრეზიდენტს უმასპინძლა

საქართველოს რეგიონული განვითარებისა და ინფრასტრუქტურის მინისტრის პირველი მოადგილე და , ამავდროულად , მუნიციპალური განვითარების ფონდის აღმასრულებელი დირექტორი, გიორგი ამაშუკელი, მსოფლიო ბანკის ვიცე-პრეზიდენტს , ლორა თაკს, შეხვდა. ფონდის დირექტორმა მსოფლიო ბანკის წარმომადგენლებს რეაბილიტირებული კახეთი დაათვალიერებინა. კახეთის რეაბილიტაცია სწორედ მსოფლიო ბანკის დაფინანსებით განხორციელდა.
6 ნოემბერი 2014

​ქუთაისში 110-ბინიანი საცხოვრებელი სახლის რეაბილიტაცია მიმდინარეობს

110 იძულებით გადაადგილებულ ოჯახს, 2014 წლის ბოლოს, ახალი საცხოვრებელი სახლი ექნება. სამშენებლო სამუშაოები დღეს საქართველოს რეგიონული განვითარებისა და ინფრასტრუქტურის მინისტრმა, დავით შავლიაშვილმა დაათვალიერა.
მუნიციპალური ინფრასტრუქტურისა და იძულებით გადაადგილებულ პირთა საცხოვრებლის რეაბილიტაციის ფარგლებში, მუნიციპალური განვითარების ფონდი, იძულებით გადაადგილებულ პირთათვის ქუთაისში 110-ბინიანი საცხოვრებელი სახლის რეაბილიტაციას ახორციელებს. პროექტის საერთო ღირებულება 5 მლნ 560 ათასი ლარია.
28 ოქტომბერი 2014

თბილისი-რუსთავის ავტომაგისტრალის სამშენებლო სამუშაოები აქტიურ ფაზაშია

თბილისი-რუსთავის ავტომაგისტრალის სამშენებლო სამუშაოები სრული დატვირთვით მიმდინარეობს. დღეს სამშენებლო სამუშაოები რეგიონული განვითარებისა და ინფრასტრუქტურის მინისტრის პირველმა მოადგილემ და საქართველოს მუნიციპალური განვითარების ფონდის აღმასრულებელმა დირექტორმა გიორგი ამაშუკელმა დედაქალაქის მერთან - დავით ნარმანიასთან და აზიის განვითარების ბანკის პრეზიდენტ - ვენჩაი ჟანგისთან ერთად დაათვალიერა. ხელმძღვანელი პირები პროექტზე დასაქმებულ მოსახლეობას გაესაუბრნენ და მშენებლობის მიმდინარეობის შესახებ დეტალური ინფორმაცია მიიღეს.
23 ოქტომბერი 2014

გიორგი ამაშუკელი საქმიანი ვიზიტით ბაქოში იმყოფება

საქართველოს რეგიონული განვითარებისა და ინფრასტრუქტურის მინისტრის პირველი მოადგილე და მუნიციპალური განვითარების ფონდის აღმასრულებელი დირექტორი -გიორგი ამაშუკელი, საავტომობილო გზების დეპარტამენტის თავმჯდომარესთან, ვაჟა ფანჩულიძესთან ერთად, სამშენებლო კომპანია „ADO-G”-ის მიწვევით, აზერბაიჯანში გაემგზავრა.
8 ოქტომბერი 2014

​საერთაშორისო ფინანსური ინსტიტუტების თანადაფინანსებით საქართველოში ენერგოეფექტური და გარემოსდაცვითი პროექტები განხორციელდება

რეგიონული განვითარებისა და ინფრასტრუქტურის მინისტრის პირველი მოადგილე, გიორგი ამაშუკელი, რომელიც ამავდროულად მუნიციპალური განვითარების ფონდის აღმასრულებელი დირექტორია,ევროპის რეკონსტრუქციისა და განვითარების ბანკის (EBRD) საკონსულტაციო ჯგუფის წარმომადგენლებს, მიშელ რეიდლინგერსა და მარკ ლუცკის შეხვდა.
8 ოქტომბერი 2014

გიორგი ამაშუკელმა მსოფლიო ბანკის წარმომადგენელთან მიმდინარე და დაგეგმილი ინფრასტრუქტურული პროექტები განიხილა

საქართველოს მუნიციპალური განვითარების ფონდის აღმასრულებელი დირექტორი, გიორგი ამაშუკელი, მსოფლიო ბანკის მდგრადი განვითარების პროგრამების კოორდინატორს სამხრეთ კავკასიაში, აჰმედ აივეიდას, შეხვდა. შეხვედრაზე მხარეებმა მიმდინარე და დაგეგმილი პროექტები განიხილეს. მუნიციპალური განვითარების ფონდი მსოფლიო ბანკის ფინანსური მხარდაჭერით რამდენიმე მნიშვნელოვან ინფრასტრუქტურულ პროექტს ახორციელებს, კერძოდ, კახეთისა და იმერეთის რეგიონული განვითარების პროექტებს. 2015 წლიდან კი, ასევე მსოფლიო ბანკის ფინანსური მხარდაჭერით რეგიონული განვითარების მესამე პროექტი დაიწყება, რომელიც მცხეთა-მთიანეთსა და სამცხე -ჯავახეთში მნიშვნელოვანი ინფრასტრუქტურული პროექტების განხორციელებას ითვალისწინებს. გიორგი ამაშუკელისა და აჰმედ აივეიდას შეხვედრის მთავარი თემაც სწორედ რეგიონული განვითარების მესამე პროექტის განხორციელება იყო.
3 ოქტომბერი 2014

ილია დარჩიაშვილი იტალიის საელჩოსა და იტალიური კომპანიის წარმომადგენლებს შეხვდა

საქართველოს მუნიციპალური განვითარების ფონდის აღმასრულებელი დირექტორის პირველი მოადგილე ილია დარჩიაშვილი იტალიის საელჩოს წარმომადგენლებსა და იტალიური კომპანია “SEVEX ES””-ის წარმომადგენლებს შეხვდა. შეხვედრა გაცნობითი ხასიათის იყო. შეხვედრას იტალიის საელჩოს კომერციული ატაშე ფაბრიციო ბოვინიო, კომპანია “SEVEX ES””-ის წარმომადგენლები ჯუზეპე ვერედიჩე და რობერტო მასონე ესწრებოდნენ.

3 ოქტომბერი 2014

დავით შავლიაშვილი და გიორგი ამაშუკელი გერმანული საპროექტო და სამშენებლო კომპანიების ხელმძღვანელებს შეხვდნენ

საქართველოს რეგიონული განვითარებისა და ინფრასტრუქტურის მინისტრი, დავით შავლიაშვილი, მინისტრის პირველი მოადგილე და ამავდროულად მუნიციპალური განვითარების ფონდის აღმასრულებელი დირექტორი გიორგი ამაშუკელი, ბერლინში, გერმანიის წამყვანი საპროექტო და სამშენებლო კომპანიების ხელმძღვანელებს შეხვდნენ.
შეხვედრის მიზანი იმ თანამედროვე პროექტირებისა და მშენებლობის ახალი ტექნოლოგიების გაცნობა იყო , რომელიც ევროპაში გამოიყენება.
3 ოქტომბერი 2014

დავით შავლიაშვილი და გიორგი ამაშუკელი KFW-ს ხელმძღვანელობას შეხვდნენ

გერმანიაში ვიზიტის ფარგლებში, საქართველოს რეგიონული განვითარებისა და ინფრასტრუქტურის მინისტრი, დავით შავლიაშვილი, მინისტრის პირველი მოადგილე და ამავდროულად მუნიციპალური განვითარების ფონდის აღმასრულებელი დირექტორი გიორგი ამაშუკელი, „საქართველოს გაერთიანებული წყალმომარაგების კომპანიის“ დირექტორი, არჩილ ცაბუტაშვილი ბერლინში გერმანიის რეკონსტრუქციისა და განვითარების ბანკის (KFW) ხელმძღვანელებს შეხვდნენ.
2 ოქტომბერი 2014

გერმანიაში ქართული დელეგაციის ვიზიტი დასრულდა

ბერლინში საქართველოს რეგიონული განვითარებისა და ინფრასტრუქტურის მინისტრის დავით შავლიაშვილის, მისი პირველი მოადგილისა და ამავდროულად მუნიციპალური განვითარების ფონდის აღმასრულებელი დირექტორის გიორგი ამაშუკელისა და ქალაქ თბილისის მერის დავით ნარმანიას ვიზიტი დასრულდა. ვიზიტის ბოლო დღეს საქართველოს მყარი ნარჩენების მართვის კომპანიის დირექტორმა გიორგი შუხოშვილმა საერთაშორისო კონფერენციის მონაწილეებს მყარი ნარჩენების მართვის ქართული გამოცდილება გააცნო.