სიახლეები

29 იანვარი 2015

ოზურგეთში წყალმომარაგების სისტემის რეაბილიტაცია მიმდინარეობს

საქართველოს რეგიონული განვითარებისა და ინფრასტრუქტურის სამინისტროს „მუნიციპალური განვითარების ფონდი“, „გაერთიანებული წყალმომარაგების კომპანიასთან“ ერთად, ქალაქ ოზურგეთში, მასშტაბურ ინფრასტრუქტურულ პროექტს ახორციელებს. მიმდინარე სამუშაოებს, დღეს, რეგიონული განვითარებისა და ინფრასტრუქტურის მინისტრის პირველი მოადგილე, გიორგი ამაშუკელი „გაერთიანებული წყალმომარაგების კომპანიის” წარმომადგენლებთან ერთად გაეცნო.

27 იანვარი 2015

იძულებით გადაადგილებული 109 ოჯახისთვის ქუთაისში ყოფილი საავადმყოფოს შენობის რეაბილიტაცია განხორციელდა

იძულებით გადაადგილებულ 109 ოჯახს უახლოეს პერიოდში ახალი საცხოვრებელი სახლი ექნება. საქართველოს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდმა იძულებით გადაადგილებულ პირთათვის 109 ბინიანი საცხოვრებელი სახლის რეაბილიტაცია განახორციელა. ჩატარებული სამუშაოები დღეს რეგიონული განვითარებისა და ინფრასტრუქტურის მინისტრის პირველმა მოადგილემ გიორგი ამაშუკელმა ქუთაისის მერთან- შოთა მურღულიასთან ერთად დაათვალიერა.
26 იანვარი 2015

აბაშაში წყალმომარაგების სისტემის რეაბილიტაცია მიმდინარეობს

საქართველოს რეგიონული განვითარებისა და ინფრასტრუქტურის სამინისტროს “მუნიციპალური განვითარების ფონდი”, “გაერთიანებული წყალმომარაგების კომპანიასთან“ ერთად ქალაქ აბაშაში მასშტაბურ ინფრასტრუქტურულ პროექტს ახორციელებს. მიმდინარე სამუშაოები დღეს რეგიონული განვითარებისა და ინფრასტრუქტურის მინისტრის პირველმა მოადგილემ, გიორგი ამაშუკელმა, „გაერთიანებული წყალმომარაგების კომპანიის” დირექტორთან, ვლადიმერ ლაზარიშვილთან, სამეგრელო-ზემო სვანეთის მხარის სახელმწიფო რწმუნებულთან, ლევან შონიასთან და ადგილობრივი ხელისუფლების წარმომადგენლებთან ერთად დაათვალიერა.

22 იანვარი 2015

დევნილთა კოტეჯურ დასახლებებში მცხოვრებ 10 338 იძულებით გადაადგილებულ პირს საყოფაცხოვრებო პირობები გაუუმჯობესდა

დევნილთა კოტეჯურ ჩასახლებაში მცხოვრებ ასობით იძულებით გადაადგილებულ ოჯახს საყოფაცხოვრებო პირობები გაუუმჯობესდა. საქართველოს მუნიციპალური განვითარების ფონდმა ამერიკის შეერთებული შტატების საერთაშორისო განვითარების სააგენტოს ფინანსური მხარდაჭერით 10 კოტეჯურ დასახლებაში სანიტარული კვანძების გაუმჯობესების, წყალმომარაგებისა და დრენაჟის სარეაბილიტაციო სამუშაოები განახორციელა. 5 სოფელში მოხდა გაზიფიცირება, დამატებით, 9 კოტეჯურ დასახლებაში- წყალმომარაგების სისტემების რეაბილიტაცია, 5 კოტეჯურ დასახლებაში კი გაიწმინდა სანიაღვრე სისტემები და მოეწყო სადრენაჟე არხები. პროექტების განხორციელების შედეგად 3 446 ოჯახის 10 338 იძულებით გადაადგილებულ მოქალაქეს გაუუმჯობესდა საცხოვრებელი პირობები. სამუშაოების საერთო ღირებულებამ 22,976,000 ლარი შეადგინა.
19 იანვარი 2015

თბილისი_რუსთავის ავტომაგისტრალის მე-3 მონაკვეთზე გზის დაგება დასრულდა

თბილისი-რუსთავის ავტომაგისტრალის მესამე 6.5 კილომეტრიან მონაკვეთზე გზის მარჯვენა (ფონიჭალა-რუსთავის) მიმართულებით ცემენტ-ბეტონის საფარის დაგება უკვე დასრულებულია. ჩატარებული სამუშაოები დღეს რეგიონული განვითარებისა და ინფრასტრუქტურის მინისტრის პირველმა მოადგილემ გიორგი ამაშუკელმა მუნიციპალური განვითარების ფონდისა დაკონტრაქტორი კომპანიის წარმომადგენლებთან ერთად დაათვალიერა. დაგებულ 6.5 კმ-იან მონაკვეთზე ამჟამად მიმდინარეობს უსაფრთხოებისა და გზის შემოფარგვლის სამუშაოები, ხორციელდება ლითონის ზღუდარებისა და საგზაო ნიშნების დაყენება.
30 დეკემბერი 2014

წიწამურში ილია ჭავჭავაძის რეაბილიტირებული ძეგლი გაიხსნა

დღეს სოფელ წიწამურში ილია ჭავჭავაძის ძეგლი გაიხსნა. რეაბილიტირებული ძეგლი საქართველოს რეგიონული განვითარებისა და ინფრასტრუქტურის მინისტრის პირველმა მოდგილემ გიორგი ამაშუკელმა, კულტურისა და ძეგლთა დაცვის მინისტრმა მიხეილ გიორგაძემ , მცხეთა-მთიანეთის გუბერნატორმა ნუგზარ ყიფიანმა და ძეგლის ავტორმა თეიმურაზ ბოჭორიშვილმა, ილია ჭავჭავაძის სახლ-მუზეუმის დირექტორ ანდრო ბედუკაძესთან და სამედიცინო უნივერისტეტის სტუდენტებთან ერთად გახსნეს.
23 დეკემბერი 2014

ჩხოროწყუში, გარახის უბანში 50 ბავშვზე გათვლილი ბაგა -ბაღი შენდება

საქართველოს რეგიონული განვითარებისა და ინფრასტრუქტურის სამინისტროს სსიპ მუნიციპალური განვითარების ფონდი, საქართველოს მთავრობის დაფინანსებით დაბა ჩხოროწყუში, კერძოდ გარახის უბანში საბავშვო ბაგა-ბაღის მშენებლობას ახორიცელებს. პროექტის საერთო ღირებულება 222 221,00 ლარია.
22 დეკემბერი 2014

კასპში იძულებით გადაადგილებულ 113 ოჯახს საცხოვრებელი სახლის გასაღები გადაეცა

დღეს, საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრმა სოზარ სუბარმა, საქართველოს მუნიციპალური განვითარების ფონდის აღმასრულებელი დირექტორის პირველმა მოადგილემ ილია დარჩიაშვილმა და ამერიკის შეერთებული შტატების საერთაშორისო განვითარების სააგენტოს მისიის დირეტორმა სტეფან ჰაიკენმა კასპის მუნიციპალიტეტში 113 იძულებით გადაადგილებულ ოჯახს საცხოვრებელი სახლის გასაღები გადასცეს.
22 დეკემბერი 2014

​გაჭედილი-ბალდის გზის რეაბილიტაცია დასრულდა

საქართველოს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდმა მარტვილის მუნიციპალიტეტში გაჭედილი-ბალდის გზის რეაბილიტაცია დაასრულა. ჩატარებული სამუშაოები დღეს საქართველოს რეგიონული განვითარებისა და ინფრასტრუქტურის მინისტრის პირველმა მოადგილემ გიორგი ამაშუკელმა, ადგილობრივი ხელისუფლების წარმომადგენლებთან ერთად მოინახულა.
17 დეკემბერი 2014

ილია დარჩიაშვილმა ლტოლვილთა სამინისტროს 2 წლის ანგარიშის პრეზენტაციაზე ფონდის მიერ განხორციელებულ პროექტებზე ისაუბრა

საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრმა, სოზარ სუბარმა, პროექტის „საქართველოს მთავრობა ღია მმართველობისთვის“ ფარგლებში, საზოგადოებას სამინისტროს ორი წლის მუშაობის ანგარიში წარუდგინა. პრეზენტაციას საქართველოს მთავრობისა და პარლამენტის წევრები, საქართველოში აკრედიტებული დიპლომატიური კორპუსის, საერთაშორისო და ადგილობრივი არასამთავრობო ორგანიზაციების წარმომადგენლები დაესწრნენ. ორ წლიანი ანგარიშის პრეზენტაციას დაესწრო საქართველოს მუნიციპალური განვითარების ფონდის აღმასრულებელი დირექტორის პირველი მოადგილე ილია დარჩიაშვილი, რომელმაც პრეზენტაციაზე ფონდის მიერ იძულებით გადაადგილებულ პირთათვის განხორციელებულ მასშტაბურ ინფრასტრუქტურულ პროექტებზე ისაუბრა.