სიახლეები

თბილისში ახალი 23-ე მეტროსადგურის მშენებლობა ინტენსიურად მიმდინარეობდა და ამჟამად 20 წლის განმავლობაში დაკონსერვებული გვირაბების სრული რეაბილიტაცია პრაქტიკულად დასრულებულია. მიმდინარეობს სანდრო ეულის ქუჩასა და ვაჟა-ფშაველას გამზირზე ამოსასვლელების მოპირკეთება. საქართველოს მუნიციპალური განვითარების ფონდი, პარალელურად, დამონტაჟებული სისტემების გამართვასა და ტესტირებაზე მუშაობს.
დაკონსერვებული გვირაბების სრული რეაბილიტაციის შედეგად, თანამედროვე სტანდარტების შესაბამისი, ახალი ტექნოლოგიებით აღჭურვილი უსაფრთხო სადგური აშენდა. სამუშაოებს, საერთაშორისო ტენდერში გამარჯვებული, ესპანური კომპანია „COBRA ASSIGNIA“ (კობრა ასიგნია) აწარმოებს. მეტროსადგურის დიზაინი ასევე ეკუთვნის ესპანურ კომპანიას.

რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდი ქალაქ დუშეთში ცენტრალური პარკის რეაბილიტაციას ახორციელებს. სარეაბილიტაციო სამუშაოები რეგიონული განვითარებისა და ინფრასტრუქტურის მინისტრმა, ზურაბ ალავიძემ და მუნიციპალური განვითარების ფონდის დირექტორის მოადგილემ, ჯუანშერ ბურჭულაძემ მოინახულეს.

13 ივნისს მუნიციპალური განვითარების ფონდმა, შპს „კავკასუს როუდ პროჯექტთან“ ერთად, კონფერენცია გამართა. კონფერენცია, 2015 წლის 13 ივნისის სტიქიის შედეგად დაზიანებული, წყნეთი-სამადლოსა და წყნეთი-ახალდაბის გზის რეაბილიტაციის თემაზე ჩატარდა და თბილისი მარიოტის საკონფერენციო დარბაზში გაიმართა. ღონისძიებას გერმანიიდან, თურქეთიდან, ავსტრიიდან და რუსეთიდან მოწვეული სტუმრები ესწრებოდნენ. როგორც მოგეხსენებათ, წყნეთი-სამადლოსა და წყნეთი-ახალდაბის გზა ურთულესი მონაკვეთია. უცხოელ ექსპერტებთან ერთად განხილულ იქნა არსებული მდგომარეობა, კვლევის შედეგები და გზის აღდგენის კონსტრუქციული გადაწყვეტილებები.

საქართველოს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდმა წყნეთი-სამადლოსა და წყნეთი-ახალდაბის გზის რეაბილიტაცია დაიწყო. მიმდინარე სამუშაოები რეგიონული განვითარებისა და ინფრასტრუქტურის მინისტრმა, ზურაბ ალავიძემ, მუნიციპალური განვითარების ფონდის დირექტორთან, გაგი ბუაძესთან და თბილისის მერთან, დავით ნარმანიასთან ერთად მოინახულა.

საქართველოს მუნიციპალური განვითარების ფონდმა თიანეთის მუნიციპალიტეტში, სოფელ ჟებოტას ამაღლების კომპლექსთან და არჩილის მონასტერთან მისასვლელი გზების რეაბილიტაცია განახორციელა. ახალი გზები ფონდის აღმასრულებელი დირექტორის პირველმა მოადგილემ, ჯუანშერ ბურჭულაძემ და თიანეთის მაჟორიტარმა დეპუტატმა ზაქარია ქუცნაშვილმა მოინახულეს.

ივნისის ბოლოს, ხარაგაულის მუნიციპალიტეტში, უბისას მონასტერთან კულტურული მემკვიდრეობის ზონების კეთილმოწყობა სრულდება.

საქართველოს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდი ზესტაფონის მუნიციპალიტეტის სოფელ ტაბაკინში წმ. გიორგის მონასტერთან მისასვლელი გზის რეაბილიტაციას ახორციელებს.

საქართველოს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდი ქ.გორში, რკინიგზის სადგურის დასახლებაში, ქუჩებისა და სანიაღვრე სისტემის რეაბილიტაციას ახორციელებს.

საქართველოს მუნიციპალური განვითარების ფონდის აღმასრულებელმა დირექტორმა გალაქტიონ ბუაძემ დაცული ტერიტორიების სააგენტოს თავჯდომარე დავით მარკოზაშვილთან შეხვედრა გამართა.

საქართველოს რეგიონული განვითარებისა და ინფრასტრუქტურის სამინისტრო ახალ გზას აშენებს. ამჯერად, სიღნაღის მუნიციპალიტეტის სოფელ ვაქირში, სადაც საავტომობილო გზა არ არსებობდა , ერთ კილომეტრ სიგრძეზე ექვსი მეტრი სიგანის ასფალტო - ბეტონის გზა იგება, ასევე მოეწყობა სანიაღვრე არხები.