სიახლეები

მარნეულის მუნიციპალიტეტის სოფელ არაფლოში 120 მოსწავლეზე გათვლილი საჯარო სკოლის მშენებლობა მიმდინარეობს. ინფრასტრუქტურის მინისტრმა, რევაზ სოხაძემ, მუნიციპალური განვითარების ფონდის აღმასრულებელ დირექტორთან, ბექა ურუშაძესთან და ადგილობრივი ხელისუფლების წარმომადგენლებთან ერთად, სამშენებლო სამუშაოები ადგილზე მოინახულა.

ინფრასტრუქტურის სამინისტროს მუნიციპალური განვითარების ფონდი ქალაქ მარნეულში სპორტული ინფრასტრუქტურის ახალი პროექტის განხორციელებას გეგმავს. პროექტი ითვალისწინებს ტექნიკური ცენტრისა და ხელოვნურსაფარიანი სტადიონის მშენებლობას, რაც რეგიონში სპორტის განვითარებას და ახალგაზრდებში ჯანსაღი ცხოვრების წესის პოპულარიზაციას შეუწყობს ხელს.

საქართველოს ინფრასტრუქტურის სამინისტროს მუნიციპალური განვითარების ფონდმა ქალაქ რუსთავში მასშტაბური ურბანული და ტურისტული ინფრასტრუქტურის განვითარებისთვის ტენდერი და კონკურსი გამოაცხადა.

ინფრასტრუქტურის სამინისტროს მუნიციპალური განვითარების ფონდი თელავში საერთაშორისო სტანდარტების შესაბამისი სპორტული კომპლექსის პროექტირებას იწყებს.

ქვეყნის მასშტაბით საჯარო სკოლების ინფრასტრუქტურული განვითარების კოორდინაციის მიზნით შექმნილი უწყებათაშორისი კომისიის მორიგი სხდომა გაიმართა.

საქართველოს ინფრასტრუქტურის სამინისტროში შეხვედრა გაიმართა UNESCO-ს მსოფლიო მემკვიდრეობის ცენტრისა და მისი მრჩეველი ორგანიზაციების — ICOMOS-ისა და ICCROM-ის წარმომადგენლებთან. შეხვედრას ესწრებოდნენ ინფრასტრუქტურის მინისტრი რევაზ სოხაძე და მუნიციპალური განვითარების ფონდის აღმასრულებელი დირექტორი ბექა ურუშაძე.

ამბროლაურის კულტურის სახლის პროექტირება იწყება. ხელშეკრულება კონკურსში გამარჯვებულ კომპანიასთან გაფორმდა, რომელის მომსახურება ოთხი ეტაპისგან შედგება და სამუშაოების შესრულების საერთო ვადად 6 თვეა განსაზღვრული.

ინფრასტრუქტურის სამინისტროს მუნიციპალური განვითარების ფონდი ქვემო ქართლის რეგიონში ხუთი საჯარო სკოლის მშენებლობას ახორციელებს. ჯამში, 1500-მდე მოსწავლე თანამედროვე სტანდარტების შესაბამის სკოლებში შეძლებს განათლების მიღებას.

ლაგოდეხში მულტიფუნქციური სპორტული კომპლექსი და საფეხბურთო ტექნიკური ცენტრი აშენდება. პროექტის ფარგლებში აშენდება მრავალფუნქციური სპორტული კომპლექსი, სადაც განთავსდება დიდი და საბავშვო აუზები, სატრენაჟორო და ფიტნეს დარბაზები, მწვრთნელთა, სამედიცინო და ფიზიოთერაპიის ოთახები.

ლაგოდეხის მუნიციპალიტეტის სოფელ ყარაჯალაში სრულად განახლდა 150 მოსწავლეზე გათვლილი სკოლა. სკოლაში მოეწყო საკლასო ოთახები, სამასწავლებლო, საბუნებისმეტყველო მეცნიერებების ლაბორატორია,ასევე ინფორმაციული და საკომუნიკაციო ტექნოლოგიების სივრცეები.