განცხადება ბაზრის კვლევაზე - მცხეთის არქეოლოგიური მუზეუმისათვის სამუზეუმო ავეჯისა და ექსპოზიციის მიწოდების შესყიდვა

 მოგესალმებით,

სსიპ საქართველოს მუნიციპალური განვითარების ფონდი (მგფ) მსოფლიო ბანკის დაფინანსებით რეგიონული განვითარების მესამე პროექტის (RDP3) ფარგლებში გეგმას მცხეთის არქეოლოგიური მუზეუმისათვის სამუზეუმო ავეჯისა და ექსპოზიციის მიწოდების შესყიდვას.

მიწოდების სავარაუდო ვადაა 8 თვე. შესასყიდი საქონლის და თანმდევი მომსახურების ჩამონათვალი, აღწერა და ტექნიკური მოთხოვნები შეგიძლიათ იხილოთ თანდართულ ფაილში, ხოლო საპროექტო დოკუმენტაცია ქვემოთ მითითებულ ბმულზე:

https://drive.google.com/file/d/1PmTPvaCeqz-E3zZO_7ty0la2kPrCA84x/view?usp=sharing

აღნიშნულ ბაზრის კვლევაში და შემდგომ შესყიდვაში მონაწილეობისათვის აუცილებელია კომპანიას გააჩნდეს მსგავსი, კერძოდ სამუზეუმო ვიტრინების (შოუქეისების) დამზადების გამოცდილება.

მგფ ატარებს ბაზრის კვლევას აღნიშნული საქონლის და თანმდევი მომსახურების მიწოდებაზე დაინტერესებული პირების გამოვლენისა და შესყიდვის სავარაუდო ღირებულების დადგენის მიზნით.

დაინტერესების შემთხვევაში, გთხოვთ, არაუგვიანეს 2022 წლის 25 მაისის 17:00 საათისა წარმოგვიდგინოთ შესყიდვის ობიექტის სავარაუდო ღირებულება შემდეგი ელექტრონული ფოსტის მისამართზე: wbprocurement@mdf.org.ge

კითხვების შემთხვევაში დაგვიკავშირდით:

ეკა ეზუგბაია

შესყიდვების კონსულტანტი

577 44 73 77

პატივისცემით,

შესყიდვების დეპარტამენტი

სსიპ საქართველოს მუნიციპალური განვითარების ფონდი