სოფელ საგურამოს განახლებული საბავშვო ბაღი

მცხეთის მუნიციპალიტეტის სოფელ საგურამოს საბავშვო ბაღი თანამედროვე სტანდარტების შესაბამისად განახლდა

საბავშვო ბაღი 125 ბავშვზეა გათვლილი.

პროექტი მოიცავდა ინფრასტრუქტურის სრულ განახლებას, მათ შორის საგანმანათლებლო, დასასვენებელი, შიდა და გარე სათამაშო სივრცეების მოწყობას.

რეაბილიტაციის ფარგლებში, საგურამოს საბავშვო ბაღში, მთლიანად განახლდა, ასევე, უსაფრთხოების, გათბობის, ელექტროობის და საკანალიზაციო სისტემები.

საბავშვო ბაღის რეაბილიტაცია საქართველოს მთავრობამ 3.2 მლნ ლარით დააფინანსა.