სამტრედიის N11 საჯარო სკოლის პროექტირება-რეაბილიტაცია იწყება

ინფრასტრუქტურის სამინისტროს მუნიციპალური განვითარების ფონდმა შესაბამისი ხელშეკრულება ტენდერში გამარჯვებულ კომპანიასთან გააფორმა. მომსახურების ვადად გნსაზღვრულია 16 თვე.

დაგეგმილია სამტრედიის N11 საჯარო სკოლის განახლება თანამედროვე საგანმანათლებლო სტანდარტების მოთხოვნების შესაბამისად.

პროექტის მიხედვით, მოწესრიგდება შენობის ძირითადი ინფრასტრუქტურა, რეაბილიტაცია ჩაუტარდება სასწავლო და ადმინისტრაციულ სივრცეებს, გაუმჯობესდება საინჟინრო კომუნიკაციები და შეიქმნება თანამედროვე სასწავლო პროცესის შესაბამისი, მოსწავლეების საჭიროებებზე მორგებული უსაფრთხო გარემო.