სიახლეები

საქართველოს მუნიციპალური განვითარების ფონდმა სომხეთის სოციალური ინვესტიციების ფონდის წევრებს უმასპინძლა. სომხეთის მთავრობის ინიციატივით 20-22 მაისს საქართველოს მუნიციპალური განვითარების ფონდში ASIF -ის წევრები რეგიონული განვითარების სტრატეგიებსა და მიმართულებებს გაეცნენ. საქართველოს მუნიციპალური განვითარების ფონდის საქმიანობიდან გამომდინარე, სომხეთის სოციალური ინვესტიციების ფონდი დაინტერესებულია საქართველოს მუნიციპალური განვითარების ფონდის მუშაობის გამოცდილებით.

გორის რაიონში სალთვისი-ტირიფონის საირიგაციო სისტემის რეაბილიტაციის ფარგლებში სოფელ ტირიფონის რეაბილიტირებული მაგისტრალური არხი გაიხსნა.
გახსნას საქართველოს რეგიონული განვითარებისა და ინფრასტრუქტურის მინისტრი დავით ნარმანია, სოფლის მეურნეობის მინისტრის მოადგილე დავით შერვაშიძე, USAID-ის საქართველოს მისიის დირექტორის მოადგილე როი პლაკნეტი, მუნიციპალური განვითარების ფონდის აღმასრულებელი დირექტორის მოადგილე თეიმურაზ მურღულია და საქართველოს გაერთიანებული სამელიორაციო სისტემების კომპანიის დირექტორი ვაჟა კირტავა დაესწრნენ.

მუნიციპალური განვითარების ფონდი USAID-ის დაფინანსებით იძულებით გადაადგილებულ პირთათვის 9 სოფელში სასმელი წლის ხარისხსა და მიწოდებას გააუმჯობესებს, 7 სოფელში კი სანიაღვრე სადრენაჟე სისტემის რეაბილიტაცია დაიწყება. შელშეკრულების მიხედვით, რომელსაც ხელი დღეს მოეწერა „მუნიციპალური ინფრასტრუქტურის, ეკონომიკური შესაძლებლობების გაუმჯობესების და იძულებით გადაადგილებულ პირთა მხარდაჭერის პროექტი“ - ს ფარგლებში მუნიციპალური განვითარების ფონდი იწყებს შიდა ქართლში იძულებით გადაადგილებულ პირთა დასახლებებში სანიაღვრე-სადრენაჯე არხების რეაბილიტაცია-მშენებლობასა და სასმელი წყლის გაუმჯობესების პროექტს.

საქართველოს მუნიციპალური განვითარების ფონდი ამერიკის შეერთებული შტატების განვითარების სააგენტოს (USAID) დაფინანსებით შიდა ქართლში, კერძოდ კონფლიქტის ზონაში ტირიფონისა და სალთვისის საირიგაციო სისტემის რეაბილიტაციას ახორცილებს. პროექტი 2008 წელს ომის შედეგად დაზარალებული 30 სოფლის -20 ათას ჰექტრამდე სარწყავი (საირიგაციო) სისტემის გაუმჯობესებას ითვალისწინებს. სამუშაოებზე კი ასამდე ადგილობრივი მცხოვრებია დასაქმებული.

დღეს მუნიციპალური განვითარების ფონდის ხელმძღვანელებსა და ფრანგულ კომპანია სურეკას წარმომადგენლებს შორის შეხვედრა შედგა, სადაც ხელშეკრულება გაფორმდა. ხელშეკრულების საფუძველზე აღნიშნული კომპანია წყალტუბოს საკანალიზაციო სისტემის გამწმენდი ნაგებობის ტექნიკურ-ეკონომიკური ანალიზის დადებს. საკონსულტაციო მომსახურების მიზანია წყალტუბოს საკანალიზაციო სისტემის არსებული მდგომარეობის შესწავლა.

დღეს რეგიონული განვითარებისა და ინფრასტრუქტურის მინისტრი დავით ნარმანია და მუნიციპალური განვითარების ფონდის აღმასრულებელი დირექტორი ელგუჯა ხოკრიშვილი ქართული ბანკების წარმომადგენლებს შეხვდნენ.

დღეს რეგიონული განვითარებისა და ინფრასტრუქტურის მინისტრი დავით ნარმანია საქვეუწყებო დაწესებულებების ხელმძღვანელ პირებთან ერთად მონაცემთა გაცვლის სააგენტოს წარმომადგენლებს შეხვდა. შეხვედრას სხვა საქვეუწყებო დაწესებულებების ხელმძღვანელ პირებთან ერთად მუნიციპალური განვითარების ფონდის აღმასრულებელი დირექტორი ელგუჯა ხოკრიშვილი ესწრებოდა.

წეროვანის დევნილთა დასახლებაში საერთაშორისო ფონდ „მოძრაობა შიმშლის წინააღმდეგ“ (ACF International) და საქართველოს რეგიონული განვითარებისა და ინფრასტრუქტურის სამინისტროს მიერ მცხეთა-მთიანეთის რეგიონში განხორციელებული ინფრასტრუქტურული პროექტების დახურვის ღონისძიება გაიმართა. წეროვანის დევნილთა დასახლებაში დასრულებული ინფრასტრუქტურული სამუშაოები დღეს საქართველოს რეგიონული განვითარებისა და ინფრასტრუქტურის მინისტრმა დავით ნარმანიამ, ევროკავშირის ელჩმა საქართველოში ფილიპ დიმიტროვმა და მუნიციპალური განვითარების ფონდის აღმასრულებელმა დირექტორმა ელგუჯა ხოკრიშვილმა დაათვალიერეს.

მუნიციპალური განვითარების ფონდის აღმასრულებელი დირექტორი ელგუჯა ხოკრიშვილი და მისი მოადგილე გიორგი სომხიშვილი აზიის განვითარების ბანკის ცენტრალური ოფისის წარმომადგენელებს შეხვდნენ. შეხვედრაზე მხარეებმა რამდენიმე მნიშვნელოვანი საკითხი განიხილეს. მათ შორის- თბილისი -რუსთავის ავტომაგისტრალის პირველი და მესამე სექციის ტედენდერის გამოცხადებასთან დაკავშირებული საკითხები.

საქართველოს მუნიციპალური განვითარების ფონდმა ქ.წყალტუბოს წყალმომარაგების სისტემის რეაბილიტაცია დაასრულა.კონტრაქტორმა ფირმამ ” ნიუ ქონსტრაქშენი” სატუმბი სადგური შეაკეთა. ძველი წყლის მილები ჩაანაცვლეს წნევიანი მილსადენით. მიწაში ჩაიდო პოლიეთილინის და ფოლადის მილები. დამონტაჟდა წყალსადენის 2 ტუმბო-აგრეგატი და ელექტრომოწყობილობები.