სიახლეები

საქართველოს მუნიციპალური განვითარების ფონდმა, მსოფლიო ბანკის ფინანსური მხარდაჭერით, კახეთის რეგიონში ტურიზმის სფეროში დასაქმებული 500 კადრი გადაამზადა. კახეთის რეგიონში, კერძოდ, წინანდალში, მუნიციპალური განვითარების ფონდის აღმასრულებელი დირექტორის მოადგილემ, დავით ტაბიძემ, მსოფლიო ბანკის მდგრადი განვითარების პროგრამების კოორდინატორმა სამხრეთ კავკასიაში, აჰმედ ეივეიდამ და “მაკინერნი ჰოსპიტალიტი ინტერნეშენალ“-ის დირექტორმა, ჯოზეფ მაკინერნიმ ადამიანებს, რომლებმაც ტურიზმის სფეროში სპეციალური ტრეინინგები გაიარეს, სერთიფიკატები გადასცეს.

დღეს საქართველოს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდსა და კავკასიის უნივერსიტეტს შორის ურთიერთთანამშრომლობის მემორანდუმი გაფორმდა. მემორანდუმის ფარგლებში უნივერსიტეტის სტუდენტებსა და კურსდამთავრებულებს შესაძლებლობა მიეცემათ, საქართველოს მუნიციპალური განვითარების ფონდის შესაბამის სტრუქტურებში გაიარონ სტაჟირება, აიმაღლონ ცოდნა და კვალიფიკაცია. მემორანდუმს ხელი ფონდის აღმასრულებელმა დირექტორმა ჯუანშერ ბურჭულაძემ და კავკასიის უნივერსიტეტის პრეზიდენტმა კახაბერ შენგელიამ მოაწერეს.

საქართველოს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდმა გურჯაანის მუნიციპალიტეტის სოფელ ჩალაუბანში 4 კმ-იანი გზის სარეაბილიტაციო სამუშაოები დაიწყო. პროექტის ღირებულება 950 675,00 ლარია და ის მსოფლიო ბანკის დაფინანსებით ხორციელდება.

საქართველოს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდი მსოფლიო ბანკის ფინანსური მხარდაჭერით, „სახელმწიფოსა და კერძო სექტორის ინვესტიციის“ (PPI) პროექტის მეორე ეტაპს იწყებს. პროექტის მიზანია, ხელი შეუწყოს მუნიციპალიტეტებში კერძო ბიზნესის განვითარებას, შექმნას დამატებითი სამუშაო ადგილები, შეიტანოს წვლილი აგრობიზნესის განვითარებასა და ტურიზმის გაძლიერებაში, რაც ხელს შეუწყობს ადგილობრივი მოსახლეობის სოციალურ-ეკონომიკური პირობების გაუმჯობესებას.

საქართველოს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდი სოფელ იყალთოში ქვევრის სკოლა-სახელოსნოს მშენებლობას ახორციელებს. დღეს სამშენებლო სამუშაოები მუნიციპალური განვითარების ფონდის აღმასრულებელმა დირექტორმა ჯუანშერ ბურჭულაძემ მოინახულა.

საქართველოს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდი მსოფლიო ბანკის დაფინანსებით კახეთში, კერძოდ ძველ შუამთაში, ახალი შუამთასა და იყალთოში კულტურული მემკვიდრეობის ძეგლებთან ტურისტული ინფრასტრუქტურის მოწყობას ახორციელებს. აღნიშნული პროექტი რეგიონული განვითარების პროექტის ფარგლებში ხორციელდება და მისი ღირებულება 1 მლნ. 637 ათასი ლარია.

თბილისი-რუსთავის ავტომაგისტრალის მშენებლობა დასკვნით ფაზაშია, პირველ და მესამე სექციაზე ავტომაგისტრალის მშენებლობა მიმდინარე წლის ბოლოს, ხოლო 2016 წლის გაზაფხულისთვის კი გარე განათების მონტაჟი და მეორადი გზების დაგება დასრულდება. 17, 4 კმ-იანი ავტომაგისტრალის მშენებლობას საქართველოს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდი ახორციელებს და მისი ღირებულება 96 685 218.40 ლარია. პროექტის დასრულების შემდეგ თბილისიდან რუსთავამდე გზა 15 წუთში დაიფარება და გადაადგილება მაქსიმალურად უსაფრთხო და კომფორტული გახდება. სამშენებლო სამუშაოები დღეს საქართველოს მუნიციპალური განვითარების ფონდის აღმასრულებელმა დირექტორმა ჯუანშერ ბურჭულაძემ აზიის განვითარების ბანკის მისიის წარმომადგენლებთან ერთად დაათვალიერა.

საქართველოს მუნიციპალური განვითარების ფონდი თეთრიწყაროს მუნიციპალიტეტში წყალმომარაგების სისტემის რეაბილიტაციას ახორციელებს. პროექტი ევროპის საინვესტიციო ბანკის ფინანსური მხარდაჭერით ხორციელდება და მისი ღირებულება 2 379 976,49 ლარია . ამჟამად, თეთრიწყაროს მუნიციპალიტეტის მოსახლეობას წყალი 4-5-საათიანი გრაფიკით მიეწოდება. პროექტის დასრულების შემდეგ კი, თეთრიწყაროს მოსახლეობა 24-საათიან წყალმომარაგებას მიიღებს. წყალმომარაგების სისტემის სარეაბილიტაციო სამუშაოები დღეს საქართველოს მუნიციპალური განვითარების ფონდის აღმასრულებელმა დირექტორმა ჯუანშერ ბურჭულაძემ დაათვალიერა და მშენებლობაზე დასაქმებულ ადამიანებს გაესაუბრა.

დავით ტაბიძემ გადაცემაში თბილისი-რუსთავის გზის მშენებლობაზე, კერძოდ პროექტის მეორე სექციაზე ფონიჭალის დასახლებაში არსებულ მონაკვეთზე ისაუბრა.

სასტუმრო ,,Holiday Inn’’-ში დღეს წყლის რესურსების მართვის თემაზე საჯარო დისკუსია გაიმართა. შეხვედრა აშშ-ს საერთაშორისო განვითარების სააგენტოს პროექტის -,, მმართველობა განვითარებისათვის” (USAIDG4G), ეკონომიკის საერთაშორისო სკოლის პოლიტიკის ინსტიტუტთან (ISET) პარტნიორობით მოეწყო. საჯარო დისკუსიას, მთავრობის წევრებთან ერთად, საქართველოს მუნიციპალური განვითარების ფონდის აღმასრულებელი დირექტორი ჯუანშერ ბურჭულაძე და ფონდის დონორებთან ურთიერთობისა და პროექტების მართვის სამსახურის უფროსი თენგიზ გოგოტიშვილი ესწრებოდნენ.