• წყალტუბოში საკურორტო ზონის რეაბილიტაცია ხორციელდება
  • წიწამურში ილია ჭავჭავაძის რეაბილიტირებული ძეგლი გაიხსნა
  • კასპში იძულებით გადაადგილებულ 113 ოჯახს საცხოვრებელი სახლის გასაღები გადაეცა
  • თბილისი- რუსთავის ავტომაგისტრალზე ცემენტო- ბეტონის საფარის დაგება დაიწყო
  • ბორჯომში იძულებით გადაადგილებულ 18 ოჯახს საცხოვრებელი სახლის გასაღები გადაეცა
30 მარტი 2015

მუნიციპალური განვითარების ფონდმა სოფელ მუხროვანში 4 კილომეტრამდე გზის რეაბილიტაცია დაასრულა

საქართველოს რეგიონული განვითარებისა და ინფრასტრუქტურის სამინისტროს სსიპ საქართველოს მუნიციპალური განვითარების ფონდმა მსოფლიო ბანკის დაფინანსებით გარდაბნის მუნიციპალიტეტის სოფელ მუხროვანში 4 კილომეტრამდე გზის რეაბილიტაცია დაასრულა. პროექტის ღირებულება 625 215 ლარია, სამუშაოებზე 30-მდე ადამიანი იყო დასაქმებული და მათი უმრავლესობა ადგილობრივი მოსახლე იყო. რეაბილიტირებული გზა დღეს საქართველოს მუნიციპალური განვითარების ფონდის აღმასრულებელმა დირექტორმა ილია დარჩიაშვილმა მოინახულა.
29 მარტი 2015

ბოლნისის მუნიციპალიტეტში წყალმომარაგების სისტემის რეაბილიტაცია მიმდინარეობს

საქართველოს რეგიონული განვითარებისა და ინფრასტრუქტურის სამინისტროს სსიპ საქართველოს მუნიციპალური განვითარების ფონდი, ბოლნისის მუნიციპალიტეტში წყალმომარაგების სისტემის რეაბილიტაციას ახორციელებს, პროექტი ევროპის საინვესტიციო ბანკის დაფინანსებით მიმდინარეობს და მისი ღირებულება 4 მილიონ ლარზე მეტია. სამუშაოების განხორციელების შედეგად, ბოლნისის მოსახლეობა, კერძოდ- 10 ათასამდე ადამიანი ნაცვლად არსებული 10 საათიანი გრაფიკისა, წყალს 18-დან 24 საათიან რეჟიმში მიიღებს. ამასთანავე გაუმჯობესდება წყლის ხარისხი.
17 მარტი 2015

პრემიერ-მინისტრმა სამცხე-ჯავახეთში სპეციალური და საგანგებო ღონისძიებების ცენტრის სამხარეო განსაკუთრებულ დავალებათა სამმართველო გახსნა

საქართველოს პრემიერ- მინისტრმა ირაკლი ღარიბაშვილმა, რეგიონული განვითარებისა და ინფრასტრუქტურის მინისტრ დავით შავლიაშვილთან და შინაგან საქმეთა მინისტრ ვახტანგ გომელაურთან ერთად დაბა ასპინძაში დეპარტამენტის ახალი სტრუქტურული ქვედანაყოფი– სამცხე-ჯავახეთის სამხარეო განსაკუთრებულ დავალებათა სამმართველო გახსნა. შენობის რეაბილიტაცია რეგიონული განვითარებისა და ინფრაქტრუქტურის სამინისტროს მუნიციპალური განვითარების ფონდმა განახორციელა. გახსნის ღონისძიებას მინისტრებთან ერთად მუნიციპალური განვითარების ფონდის აღმასრულებელი დირექტორი ილია დარჩიაშვილი ესწრებოდა.
16 მარტი 2015

320 ადგილიანი თანამედროვე სტუდენტური საერთო საცხოვრებლის მშენებლობა დაიწყო

საქართველოს რეგიონული განვითარებისა და ინფრასტრუქტურის მინისტრის პირველმა მოადგილემ გიორგი ამაშუკელმა, თბილისის მერ დავით ნარმანიასთან, საქართველოს მუნიციპალური განვითარების ფონდის აღმასრულებელ დირექტორ ილია დარჩიაშვილთან და პარლამენტის დარგობრივი ეკონომიკისა და ეკონომიკური კომიტეტის თავმჯდომარე ზურაბ ტყემალაძესთან ერთად თბილისში, ლისის ტბის ფერდობზე დღეს 320 ადგილიანი თანამედროვე სტუდენტური საერთო საცხოვრებლის მშენებლობას ჩაუყარა საფუძველი.
11 მარტი 2015

საქართველოს მუნიციპალური განვითარების ფონდს ილია დარჩიაშვილი უხელმძღვანელებს

საქართველოს რეგიონული განვითარებისა და ინფრასტრუქტურის სამინისტროს, სსიპ საქართველოს მუნიციპალური განვითარების ფონდს, ილია დარჩიაშვილი უხელმძღვანელებს. ილია დარჩიაშვილი ფონდის აღმასრულებელ დირექტორად საქართველოს პრემიერ-მინისტრის 2015 წლის 6 მარტის ბრძანების საფუძველზე დაინიშნა. ილია დარჩიაშვილი საქართველოს მუნიციპალური განვითარების ფონდში 2014 წლიდან მუშაობს. აქამდე დარჩიაშვილი ფონდის აღმასრულებელი დირექტორის პირველი მოადგილის თანამდებობას იკავებდა. შესაბამისად, ის სამინისტროსა და მისი საქვეუწყებო ორგანიზაციების პროექტებსა და საქმიანობას დეტალურად იცნობს.